SAHAR

İraq ordusu Mosulun azad edilməsi əməliyyatının davamında İŞİD terrorçularına ağır zərbələr endirərək, Mosulun ətrafında yerləşən daha bir neçə kəndi azad ediblər.

Əl-İraqiyə telekanalının verdiyi məlumata görə, İraq ordusunun 9-cu batalyonu Mosulun cənub-qərbində yerləşən Əlzab məntəqəsindəki Rəzzaqiyə kəndini terrorçuların işğalından azad edərək, İraq bayrağını kəndin üzərində dalğalandırıblar.

Bu qüvvələr həmçinin, İŞİD terrorçularını öldürdükdən və hərbi təchizatlarına ciddi zərər və ziyan yetirdikdən sonra Əlzabın şimalında yerləşən Hüveycə Əlhisan kəndini də azad ediblər.

Bu məlumata görə, iraqlı qüvvələr bundan başqa Nicirə və Bəxirə kəndlərini də azad edərək, terrorçular tərəfindən quraşdırılmış bombaları və partlayıcı qurğuları zərərsizləşdiriblər. BU iki kənd Hümamüləlil qəsəbəsinin şimalında yerləşir.

Ordu qüvvələri Şimal cəbhəsində də Əssadə və Bəvijə məntəqələrini İŞİD terrorçularının işğalından azad ediblər.

İraq ordusunun 16-cı dviziyası isə İŞİD-in bomba quraşdırılmış 3 avtomobilini partladaraq, terrorçuların müdafiə xəttini yarıb və Mosul şəhərinə doğru irəliləməyə başlayıb.