SAHAR

İraqın baş naziri müştərək iraqlı qüvvələrin Neynəva vilayətinin İŞİD-in işğalından azad edilməsi üzrə bütün istiqamətlərdə irəliləmələrini vurğulayaraq, qeyd edib ki, İraq ordusunun qələbəsi çox yaxındır.

IRNA-nın məlumatına görə, İraqın baş naziri Heydər Əlibadinin ofisi dünən gecə bir bəyanatda İŞİD-in Mosulun azad edilməsi əməliyyatında ağır tələfata uğradığını bildirərək, qeyd edib ki, Heydər Əlibadi Mosulun azad edilməsi əməliyyatının sürətləndirilməsi üzrə planları icraya qoyub.

Heydər Əlibadi çərşənbə axşamı günü də Bağdadda özünün həftəlik brifinqində belə demişdi: İraq bu gün hər zamandakından daha çox birliyə yaxındır və hazırda hər bir İraq vətəndaşı ölkəsinin ərazisini müdafiə etməyə çalışır.

İraqın ordu, xalq, kürd peşmərgə və mərkəzi polis qüvvələrindən təşkil olunmuş müştərək iraqlı qüvvələr bu ölkənin hava qüvvələrinin himayəsi altında Mosulun İŞİD-in işğalından azad edilməsi əməliyyatına başlayıb və indiyədək diqqətəlayiq uğurlar da əldə ediblər.

İraqın ikinci böyük şəhəri olan Mosul 2014-cü ilin iyun ayından İŞİD terror qrupunun işğalındadır.