SAHAR

İraq polisinin komandanlığı Mosulda üç İŞİD vertolyotunun vurulmasından xəbər verib.

İraqın Bərasa xəbər agentliyinin məlumatına görə, İraq polisinin komandanlığı bir bəyanatda bildirib ki, bu ölkənin hava qüvvələri bomba daşıyan və İraqın ordu qüvvələrinin Mosludakı mövqelərini hədəfə almaq istəyən üç İŞİD helikopterini vurub, yerə salıblar.

İraq polisinin komandanı Şakir Cəudət həmçinin Mosulun Əlmisaq və Əlsəhhə məntəqələrində mühasirəyə alınmış yüzlərlə iraqlı ailənin azad edilməsindən xəbər verib.

Belə bir halda, İraqın ordu qüvvələri Mosulun azad edilməsi əməliyyatının ikinci mərhələsində bu şəhərin Əlvəhdə məntəqəsini azad edə biliblər.

İraqlı qüvvələr həmçinin Mosul-Kərkük istiqamətini İŞİD ünsürlərindən təmizləyə biliblər.

Digər tərəfdən, Neynəva Valilik Şurasının üzvü Hisaməddin Ələbar Mosulun şərqində İŞİD-in tabeliyində olan bomba qoyulmuş dörd emalatxananın aşkarlanmasından xəbər verib.