Sionist rejim işğal olunmuş Beytül-Müqəddəsin şərqində Səlvan məhəlləsində yerləşən Abdullah Əssənavi məscidinin dağıdılmasına göstəriş verərək bu binanın tikinti icazəsinin olmadığını iddia ediblər.

PressTv-nin verdiyi məlumata görə, Səlvanı müdafiə komitəsinin üzvü Fəxri Əbu Dəyab isə deyib: Əssənavi məscidi bir neçə il öncə vəqf edilmiş ərazidə minlərlə sakinin maliyyə  yardımları hesabına inşa edilib. 

Səlvanı müdafiə komitəsinin üzvü deyib: Abdulla Əssənavi məscidi  bu ərazidə dağılmaq təhlükəsi ilə üz-üzə duran fələstinlilərin 6 məscidi sırasındadır. 

2016-cı il dekabrın sonlarında Birləşmiş Millətlər Təşkilatının himanitar yardımlar üzrə koordinasiya bürosu bildirmişdi ki, İsrail rejiminin İordan çayının qərb sahili və Beytül-Müqəddəsin şərqində fələstinlilərə aid olan tikililərə qarşı dağıtmaq siyasəti son 7 il ərzində misli görünməmiş həddə çatıb. 

Sionist rejim parlamenti 2017-ci il 5 apreldə işğal olunmuş ərazilərdə qeyri-qanuni tikililər adlandırdığı bir layihəni qəbul etdi. Bu layihə beynəlxalq hüquq müdafiəçiləri və təşkilatlarının etirazlarına səbəb olmuşdur.