Suriyanın Deyrəzzur vilayətində terrorçulardan qalmış bir minanın partlaması nəticəsində 4 nəfər ölüb, 36 nəfər isə yaralanıb.

İRNA-nın məlumatına görə, hadisə Deyrəzzurun cənub-qərbində Şəvşa məntəqəsində baş verib. 

Terrorçular Deyrəzzuru və Suriyanın digər məntəqələrini işğal altında saxladıqları dönəmdə bu əraziləri xüsusilə evləri, mağazaları, ictimai məkanları, avtomobilləri, motorsikletləri və hətta, uşaq oyuncaqlarını belə partlayıcı qurğularla ölümcül tələyə çeviriblər. Bu da onların kifayət qədər çox partlayıcı maddəyə malik olmalarından xəbər verir.