Yəmən ordusu və xalq qüvələri Ərəbistanın bir ədəd casusluq pilotsuz uçan aparatını vuraraq, yerə salıb.

Əl-Məsirə informasiya kanalının bildirdiyinə görə, Yəmən ordusu və xalq qüvvələrinin hava hücumundan müdafiə bölməsi Ərəbistanın bu PUA-sını Cəbəl Əd-Dud məntəqəsində vurub. 

Yəmən ordusu ötən çərşənbə axşamı da Ərəbistanın bir ədəd pilotsuz uçan aparatını Əl-Hüdəydə vilayətində vurmuşdu. 

Yəmən ordusu və xalq qüvvələri Səudiyyə koalisiyasının Yəmənə olan hücumları dövründə indiyə kimi Ərəbistan və müttəfiqlərinin onlarla PUA-sını vurub.