Suriyalı didərginlərin qayıdışı məsələləri üzrə Suriya-Rusiya koordinasiya mərkəzi bir bəyanatda bildirib ki, hazırda 28 mindən çox suriyalı didərgin terror qruplarının əsirliyindədir. Bu mərkəz qeyd edib ki, terror dəstələri suriyalı didərginlərdən insan qalxanı kimi istifadə edirlər.

Suriyalı didərginlərin qayıdışı məsələləri üzrə Suriya-Rusiya koordinasiya mərkəzi bu bəyanatda həmçinin bildirib ki, Amerika və onun qərbli müttəfiqləri, həmçinin terrorçular suriyalı didərginlərin öz vətənlərinə geri dönmələri prosesinə maneçilik törədirlər.

Bəyanatda deyilir ki, Amerika və müttəfiqləri Suriyaya dinc həyatın qayıtmasını istəmirlər.

Suriyalı didərginlərin qayıdışı məsələləri üzrə Suriya-Rusiya koordinasiya mərkəzi "Əlrəkban" düşərgəsindəki faciəli duruma da işarə edib  və amerikalı hərbçilərdən istəyibdir ki, terror dəstələrinin bu düşəgədəki cinayətkar hərəkətlərini dayandırsın və didərginlərin qeyd olunan düşərgədən çıxmaları üçün heç bir qeyd-şərt olmadan şərait yaratsınlar.

"Əlrəkban" düşərgəsi amerikanların işğalı altında olan Əltənf hərbi bazasının yaxınlığında yerləşir. Bu düşərgənin ətrafındakı məntəqələr də terror dəstələrinin işğalı altındadırlar.

Amerikalılar və terror dəstələri indiyədək Suriya hökuməti tərəfindən "Əlrəkban" düşərgəsinə humanitar yardımların göndərilməsinə, həmçinin suriyalı didərginlərin çıxşına mane olublar.