Bazar ertəsi gecə Əfqanıstanın paytaxtı Kabildə törədilən terror aktı nəticəsində 5 nəfər ölüb.

Bazar ertəsi gecə Kabilin 9-cu bölgəsində beynəlxalq yardım agentliklərinin ofisləri yaxınlığında baş verən partlayış nəticəsində 5 nəfər ölüb, onlarla insan yaralanıbdır.

Taliban partlayışa görə məsuliyyəti öz üzərinə götürübdür.

Partlayış ABŞ-ın xüsusi nümayəndəsi Zəlmay Xəlilzadın Talibanla danışıqlar üçün Kabildə olduğu bir halda baş verir.

Xəlilzad dünən gecə bildirib ki, əgər Taliban razılaşsa, Vaşinqton Əfqanıstandakı 15 minlik qoşunundan 5 min nəfəri geri çəkəcək.

O, Amerikanın beş aydan az müddətdə beş bazasını bağlayacağını və Talibanla razılaşmasına sadiq qalacağını bildirib.