Yəmən Əsarullah hərəkatının siyasi bürosunun üzvü səud rejiminin təcavüzünün tam şəkildə dayandırılmasını yəmənlilərin atəşkəsi qəbul etmək üzrə şərti kimi irəli sürüb.

Yəmən Əsarullah hərəkatının siyasi bürosunun üzvü Muhəmməd əl-Buxəiti əl-Məyadin telekanalı ilə müsahibədə deyib: Heç vaxt Yəmən tərəfindən tam atəşkəs qarşılığında ərəbistanın hava hücumlarının məhdud şəkildə dayandırılması kimi plan ilə razılıq olmayacaq.

Əlbuxəiti əmirliklərin Yəməndəki yeni hərəkətləri barədə xəbərdarlıq edərək, deyib ki, əbu-dəbi öz qüvvələrini tam şəkildə Yəməndən çıxarmalıdır.

Yəmən Əsarullah hərəkatının bu rəsmisi bildirib ki, əmirliklərin yüz ədəd zirehli avtomobili və artilleriyası Təizə daxil olub. O, əlavə edib: Əmirliklər Təizdə öz yerini möhkəmlətmək niyyətindədir və bu məsələ onun Yəməndən çıxmaq barədəki öncəki qərarı ilə təzad təşkil edir.

Əlbuxəiti deyib: Əmirliklərin bu addımları Amerikanın nəzarəti altında atılır və döyüş qaydaları heç vaxt dəyişməyəcəkdir.

Yəmən Əsarullah hərəkatının siyasi bürosunun üzvü vurğulayıb: Yəmən ali siyasi şurası sədrinin sülh təşəbbüs planı icra olunmazsa, ərəbistanın əmirliklərin içərilərinə hava və raket hücumları bərpa ediləcək.

Əmirliklər son zamanlar Yəmənə silah köçürüb, qüvvələr göndərərək, bu ölkənin cənub-qərbində yerləşən Təiz əyalətində yeni döyüşə başlamaq üçün özünü təchiz etməkdədir, halbuki ərəbistanın Yəmənə qarşı hücumları azaltmaq təmayülü barədə xəbərlər yayılıbdır.