Suriya ordusu cümə günü yanvarın 24-də bu ölkənin şimalında yerləşən İdlib vilayətində irəliləməsinin davamında Əbuhərif və Əl-Səməkə bölgələrini terrorçuların işğalından azad edib.

"Pars Today" Xəbər Agentliyinin Suriya KİV-lərinə istinadən məlumatına görə, sözü gedən bölgələrin azad edilməsi əməliyyatında azı 30 terrorçu öldürülüb.

Suriya ordusu ötən günlər ərzində də İdlib vilayətinin cənub bölgələrindən bir neçəsini terrorçulardan təmizləməyə müvəffəq olub.

İdlib vilayəti Suriyada terrorçuların son düşərgəsidir.

Suriyada böhran 2011-ci ildən Səudiyə Ərəbistanı, ABŞ və onların müttəfiqlərinin region parametrlərini Sionist rejimin xeyrinə dəyişmək məqsədilə dəstəklədikləri terrorçuların bu ölkəyə geniş hücumu ilə başlayıb.