Suriyada terrorçuların Əl-Zəhra qəsəbəsinə hücumları nakam qalıb
-
Suriyada terrorçuların Əl-Zəhra qəsəbəsinə hücumları nakam qalıb
Suriya Ordusunun bölmələri terrorçuların bu ölkənin şimalında və Hələb vilayətinin qərbində yerləşən Əl-Zəhra qəsəbəsinə hücumlarını dəf ediblər.
Suriyanın rəsmi xəbər agentliyi SANA-nın məlumatına görə, şənbə günü fevralın 1-də "Həyat Təhrir Əl-Şam" terror qruplaşması bomba minalanmış üç avtomobillə Hələbin qərbindəki Əl-Zəhra qəsəbəsinə hücum etmək niyyətində olub, lakin Suriya qüvvələri onları məqsədə çatmazdan əvvəl zərərsizləşdiriblər.
Suriya Milli Ordusu son günlərdə İdlib və Hələb vilayətlərində bir neçə şəhər və kəndi terrorçuların işğalından azad edib və onlara ağır zərbələr endirib.
Suriya ordusu bu ölkənin şimalında Hələb vilayətinin cənub istiqamətində irəliləyərək, Cəbhətün-Nüsrə terror qruplaşmasının Əl-Xalidiyyə qəsəbəsindəki mövqelərini atəşə tutub.
