Qəzzənin ətrafındakı bütün sionist sakinli qəsəbələrdə təhlükə siqnalı çalınıb
Fələstinli yerli mənbələr, Qəzzə zolağı ətrafındakı bütün sionist sakinli qəsəbələrdə raket hücumuna dair xəbərdarlıq siqnalının eşidildiyindən xəbər veriblər.
SəhərAzəri xəbər verir ki, sionistlər Qəzzə zolağından sionist sakinli qəsəbələrə doğru bir neçə raketin atıldığını bildiriblər.
Sionist rejim ordusu "dəmir qübbə" sisteminin Qəzzə zolağından atılmış ən azı 4 raketin izinə düşdüyünü iddia edib.
Bir saat əvvəl Fələstin mediası sionist rejimin Qəzza sahillərindəki balıqçılıq sahəsini tamamilə bağladığını və fələstinli balıqçıların fəaliyyətinin qarşısını aldığını bildirib.
Digər tərəfdən, fələstinlilərin sionist rejimin Qüdsü yəhudiləşdirmək planlarına və sionistlərin Şeyx Cərrah məhəlləsinin ələ keçirilməsi və fələstinlilərin oradan qovulması kimi təhrikedici hərəkətlərinə qarşı etirazları genişləndiyi bir halda , bu rejimin hücumları və etiraz edən fələstinlilərlə toqquşmaları da intensivləşibdir.
Fələstin Qızıl Aypara cəmiyyəti, sionistlərlə fələstinlilər arasında şiddətli toqquşmalar zamanı yaralananların sayının 100-ə çatdığını 30 nəfərinin isə xəstəxanaya aparıldığını bildirib.
