SAHAR

Yəmən mediaları bu ölkənin ordusu və xalq komitələrinin Ərəbistan ərazisində səud koalisiyasının mövqelərinə qarşı PUA əməliyyatının filmini yayıblar.

SəhərAzəri-nin məlumatına əsasən, Yəmənin Əlməsirə telekanalı dünən bu filmi yayıb. Həmin filmdə «Qasif K-2» tipindən olan on ədəd PUA-nın Ərəbistanın cənubunda yerləşən Əlvədiyyə rayonunda təcavüzkar səud koalisiyasının hərbi təlim mərkəzlərini vurması görünür.

İlk dəfədir ki, Yəmənin ordusu və xalq komitələrinin belə bir özünəməxsus hərbi əməliyyatı yayılır- deyə, Yəmən silahlı qüvvələrinin sözçüsü briqada generalı Yəhya Əlsərii öz tvitter hesabında yazıb.

Ötən həftə Yəmənin ordusu və xalq komitələrinin PUA bölməsi on ədəd «Qasif K-2» tipli pilotsuz uçuş aparatı ilə Əlvədiyyə rayonundakı təlim düşərgəsini hədəfə almışdı.

Yəhya Əlsərii deyib ki, bu əməliyyatda Əlvədiyyə kazarmasında yerləşən təlim mərkəzləri və komandanlıq mərkəzi hədəfə alınıb və bu PUA hücumu gedişində Ərəbistan muzdurları və təcavüzkarlarından 60 nəfərdən çoxu ölüb və yaralanıb.

Yəmənin ordusu və xalq komitələrinin PUA bölməsi ötən günlər və həftələr ərzində Ərəbistanın hücumlarının davam etməsinə cavab olaraq, dəfələrlə təcavüzkar səud koalisiyasının Yəmənin daxili və xaricindəki mövqelərini öz hücumları hədəfinə alıbdır.