Sionist rejim hərbçiləri vəhşicəsinə bir hərəkətdə növbəti dəfə İordan çayının qərb sahilinin ərazilərinə hücum ediblər.

SəhərAzəri-nin məlumatına əsasən, "Səma" xəbər agentliyinin məlumatına görə, İordan çayının qərb sahilinə genişmiqyaslı hücumdan sonra Fələstin vətəndaşları ilə sionist hərbçilər arasında şiddətli toqquşma baş verib. Şahidlər bir neçə Fələstin vətəndaşının sionistlər tərəfindən saxlanıldığını bildiriblər.

Sionist hərbçilər dünən də İordan çayının qərb sahilinin şimalındakı "Kəfər Qəddum" kəndinə hücum edərək, onlarla fələstinlini yaralayıblar.

Sionist hərbçilər, həmçinin Ramallahın qərbində yerləşən Əl-Caniyyə kəndinə də hücum ediblər və bir neçə fələstinli gənci həbs ediblər.

Son həftələrdə sionist hərbçilərin fələstinlilərə hücumları intensivləşib, sionist hərbçilər tez-tez fələstinliləri birbaşa güllə atəşi ilə hədəfə alırlar.