Təl-Əvivin mərkəzində güclü partlayış baş verib
Sionist mediası cümə günü səhər saatlarında Təl-Əvivin mərkəzindəki "Yarkon" parkında bomba partlayışı barədə məlumat yayıb.
Məlumata görə, bu bombanın partlaması nəticəsində ölən və ya yaralanan olmayıb.
İlkin tapıntılar partlayıcı qurğunun ağacın yaxınlığında və ya üzərinə qoyulduğunu göstərir.
Sionist rejim mediası partlayışın səhər saat 6:40-da baş verdiyini yazıb.
Sionist rejimin təhlükəsizlik qüvvələri partlayışın səbəblərini araşdırır.
Əl-Əhd kanalı bildirib ki, sionist rejimin təhlükəsizlik qurumları bu partlayışı müqavimət qüvvələrinin işi hesab edir. Kanalın məlumatına görə, sionist rejimin işğal olunmuş Qüdsdəki polis qüvvələri də yəhudilərin yeni ili ərəfəsində müqavimət qüvvələrinin əməliyyat keçirməsi ehtimalı barədə məlumat aldıqdan sonra tam hazırlıq vəziyyətinə gətirilib.
Fələstinlilərin silahlı əməliyyatlarının əhatə dairəsi bütün İordan çayının qərb sahilini əhatə edib və Tel-Əvivə çatıb.
İordan çayının qərb sahilindəki müqavimət iki il əvvəldən bəri tədricən daş və bıçaqdan silaha, son vaxtlar isə raket və bombalara keçib. İlin əvvəlindən bəri fələstinlilərin İordan çayının qərb sahilindəki əməliyyatları zamanı 36 sionist hərbçi və qəsəbə sakini öldürülüb və elə bir həftə yoxdur ki, onda bir neçə şəhadətsevərlik əməliyyatı həyata keçirilməsin.
