İsrailin Qəzzə zolağının şimalında BMT-nin Fələstinli Qaçqınlara Yardım Agentliyinin (UNRWA) məktəblərindən birinə endirdiyi zərbə nəticəsində 30-a yaxın şəhid olub.

Bu barədə Livanın “Əl-Məyadin” telekanalı məlumat yayıb.

Bildirilib ki, hücum Cebaliya şəhəri yaxınlığındakı qaçqın düşərgəsinin qərbində yerləşən Əbu Hüseyn məktəbinə qarşı həyata keçirilib.

Qeyd edək ki, xunta rejimin hərbi cinayətləri çərçivəsində oktyabrın 7-dən başlayaraq Qəzzədə 15 minə yaxın insan, o cümlədən 6 min uşaq şəhid olub.