Sionist rejim qırıcıları Beyrutun Zahiyyə bölgəsinə dəhşətli zərbələr endirib
Xəbər mənbələri sionist rejim qırıcılarının Zahiyyə də daxil olmaqla Beyrutun cənub bölgələrini vəhşicəsinə bombaladığını bildiriblər.
Sionist rejim ordusu şənbə günü Beyrutun Bürc Əl-Bəracinə məhəlləsinin digər bölgələrinin sakinlərinə evlərini tərk etmələri ilə bağlı xəbərdarlıq edib, amma dərhal bu bölgəyə zərbələr endirib.
Sionist rejimin döyüş təyyarələri Beyrutun Zahiyyə bölgəsində yerləşən “Əl-Əbyəz” məhəlləsini də bombalayıblar.
İsrail ordusu hələlik bombardmanların məqsədini açıqlamayıb.
Həmçinin sionist rejimin pilotsuz təyyarələri Tripoli şəhərində Əl-Bədavi düşərgəsindəki binanı hədəfə alıblar.
Bu hücumda bir yaşayış binası dron hücumuna məruz qalıb və dağıdılıb.
Əl-Cəzirə kanalı bu dron hücumunda 4 nəfərin şəhid olduğunu və bir neçə mülki vətəndaşın yaralandığını bildirib.
Bəzi medialar Livanın şimalındakı Tripoli şəhərində Əl-Bədavi düşərgəsində bir fələstinli və ya livanlı şəxsiyyətin terror edilməsi üçün məqsədyönlü hücumdan xəbər verirlər.
