Hizbullah sionist rejim ordusunun hücumlarını dəf edir
Rəb Səlasin-də ağır döyüşlər gedir
Livanın İslami müqaviməti sionist rejim hərbçiləri ilə şiddətli toqquşmadan xəbər verir.
İRNA-nın Livan İslami Müqavimət İnformasiya Qərargahına istinadən verdiyi məlumata görə, Livan Hizbullahı bu gün səhər çağı İslami Müqavimət döyüşçüləri bir qrup sionist hərbçi ilə "Rəb Səlasin" qəsəbəsi ətrafında toqquşublar. Döyüş zamanı Livan ərazisinə doğru irəliləməyə çalışan düşmənin piyada bölməsi müqavimət döyüşçülərinin atəşi ilə üzləşib.
Hizbullahın açıqlamasına görə, atışma davam edir.
Qeyd edək ki, sionist rejim ordusu cənubi Livanın müxtəlif bölgələrinə genişmiqyaslı hücumlara başlayıb. Livan Səhiyyə Nazirliyinin hesabatına görə, bu rejimin hücumları yüzlərlə mülkinin şəhadəti və minlərlə insanın yaralanması ilə nəticələnib.
Öz növbəsində Livan Hizbullahı mülki əhalinin hədəfə alınması qarşısında səssiz qalmayıb və işğal altındakı Fələstinin şimalında İsrail rejiminin mövqelərinə qarşı çoxsaylı əməliyyatları aparıb.
İsrail ordusu çərşənbə axşamı səhər elan edib ki, Livana quru hücumu başlayandan bəri 16 İsrail əsgəri ölüb, 305 nəfər yaralanıb.
