Qəzzədə son sutkada 57 fələstinli şəhid olub
May 26, 2025 16:02 Asia/Baku
Fələstinin xəbər mənbələri bazar günü səhərdən sionistlərin Qəzzə zolağına hücumları nəticəsində 57 fələstinlinin şəhid olduğunu açıqlayıb.
Qəzzə zolağındakı tibb mənbələri bildiriblər ki, ötən gecə Qəzzə şəhərinin əl-Dərəc məhəlləsində məcburi köçkünlərin sığındığı Fəhmi əl-Cərcavi məktəbinin bombalanması nəticəsində indiyədək 25 fələstinli şəhid olub.
Müvafiq olaraq, Qəzzədəki Fələstinin Səhiyyə Nazirliyi İsrail rejiminin Qəzzə zolağına təcavüzü nəticəsində 7 oktyabr 2023-cü il tarixindən bu yana qurbanların ümumi sayının 53 min 939 nəfərə yüksəldiyini açıqlayıb.
Nazirlik həmçinin, yaralıların sayının 122 min 797 nəfərə çatdığını bildirib.
