Həmas bütün sağ sionist əsirləri azad edib
Misirin Şərmülşeyx şəhərində keçirilən Qəzzə müharibəsi üzrə atəşkəs müzakirələrində əldə olunan razılaşmaya əsasən, Həmas hərəkatı bu gün bütün sağ sionist əsirləri azad edib.
Sionist rejimin on üçüncü informasiya kanalının məlumatına görə, Həmas hərəkatı Qəzzə müharibəsi üzrə atəşkəs müzakirələrinin birinci mərhələsinin razılaşmasına əsasən, iki mərhələdə bütün sağ sionist əsirləri azad edib.
Bu məlumata görə, müqavimət qüvvələri ilk mərhələdə, yeddi, ikinci mərhələdə isə on üç sionist əsiri Beynəlxalq Qızıl Xaç Təşkilatına təhvil veriblər.
Belə bir halda, Röyters, rəsmi bir mənbəyə istinadla iddia edibdir ki, sionist rejimlə əsirlər mübadiləsi çərçivəsində azad edilməli olan bütün min doqquz yüz altmış altı fələstinli məhbus bu gün sionist rejim zindanları daxilində avtobuslara minib. Onlar az sonra azad ediləcəklər.
