Türkiyə Hava Qüvvələrinin PKK terrorçularının sığınacağına olan hücumları zamanı 10 terrorçunun öldüyü bildirilir.

TRT telekanalının verdiyi məlumata görə, Van valiliyi bildirib ki, şənbə günü axşam saatlarında Türkiyə ordusu Hava Qüvvələrinin F-16 qırıcı təyyarələri bu vilayətin Körüklü məntəqəsində PKK terrorçularına ağır zərbələr endirib. Nəticədə 10 silahlı ölüb. 

Bu məlumata görə, terrorçuların toplaşdığı məkanın kordinatları pilotsuz uçan aparat(PUA) vasitəsi ilə müəyyən edilib. 

2015-ci ilin iyul ayında Türkiyə dövləti ilə PKK arasındakı atəşkəs pozuldu. O zamandan bəri Türkiyənin cənub-şərqi ordu qüvvələri ilə PKK yaraqlıları arasında toqquşmaların şahididir.