SAHAR

Türkiyənin İzmir şəhərində NATO-nun hərbi binası yaxınlığında baş vermiş partlayışda binanın bir hissəsinə ziyan dəyib.

Röyters-in verdiyi məlumata görə, bu partlayış bu gün səhər İzmirin Gültəpə məntəqəsində NATO-nun hərbi binasının yerləşdiyi ərazidə baş verib. 

Türkiyə polisi hadisə yerini mühasirəyə alıb və partlayışın səbəbləri barədə araşdırmalara başlayıb. 

Hələ ki, hadisənin məsuliyyətini heç bir qrup öz üzərinə götürməyib. Hadisə nəticəsində xəsarət alanların olub - olmadığı barədə isə məlumat verilmir. 

İzmir Türkiyənin 3-cü ən iri şəhəridir.