Türkiyənin müdafiə naziri Fars Körfəzi Əməkdaşlıq Şurası ölkələrinin bu ölkənin Qətərdəki hərbi bazasının -yığışdırılmasına dair tələbini ədəbsiz hərəkət və iki ölkənin ikitərəfli məsələlərinə müdaxilə adlandırıb.

Fars xəbər agentliyinin məlumatına görə, Türkiyənin müdafiə naziri Fikri İşık Fars Körfəzi Əməkdaşlıq Şurası ölkələrinin bu ölkənin Qətərdəki hərbi bazası üstündəki mövqelərini tənqid edərək, deyib: Ankara Qətər ilə regionun ərəb ölkələri arasındakı böhranı müzakirə yolu ilə həll etmək niyyətindədir və eyni zamanda bu şuranın tələbinə əsasən, özünün Qətərdəki hərbi bazası məsələsini yenidən nəzərdən keçirmək üçün heç bir plana malik deyildir.