Türkiyə rəsmiləri Əl-Cəzirə telekanalının internet portalının hak edilməsi ilə əlaqədar 5 nəfərin həbs edilməsindən xəbər verib.

İRİB-in verdiyi məlumata görə, Əl-Cəzirə telekanalına qarşı kibernetik hücumda Qətərin əmiri Təmim Bin Həmd Bin Xəlifə Ali-Saninin dilindən bəzi sözlər sayta yerləşdirilmişdi. 

Türkiyədə hadisə ilə əlaqədar həbs edilənlərın hansı ölkə vətəndaşı olduqları barədə hələ məlumat yayılmayıb. 

Qətər əmirinin dilindən İranın regional gücünün qiymətləndirilməsi və Tehran-Doha arasında strateji əməkdaşlıqlara dair sözlərin yayılmasından sonra Səudiyyə Ərəbistanı, Birləşmiş Ərəb Əmirlikləri, Bəhreyn və Misir Qətər dövlətini terrorizmi himayə etməkdə ittihamlandırıb və bu ölkə ilə siyasi-iqtisadi əlaqələri dayandırıblar.