Türkiyə Böyük Millət Məclisi TBMM bu ölkə qüvvələrinin İraq və Suriyadakı iştirakı müddətinin bir il uzadılmasının lehinə səs verib.

İRNA-nın məlumatına görə, bu layihə şənbə günü AKP, CHP və MHP deputatlarının lehinə səsi ilə təsdiqlənib.

Bu layihənin təsdiqlənməsi ilə Türkiyə hökuməti Astana müzakirələri anlaşmasına əsasən Suriya ərazisində, o cümlədən İdlib şəhərində hərbi hərəkətlər, eləcə də İraqın şimalında ehtimal olunan hərbi hərəkətlər üçün qanuni icazəni əldə edib.

Türkiyə parlamentinin bu ölkə hərbçilərinin İraq və Suriyada iştirakı müddətinin uzadılmasının lehinə səs verməsi kürd muxtariyyətinin İraqdan ayrılması üzrə referendumun keçirilməsindən iki gün öncə həyata keçirilib.

Türkiyə bundan öncə bildirib ki, kürd muxtariyyətinin İraqdan ayrılması üzrə referenduma reaksiyada təhlükəsizlik, siyasi və iqtisadi addımları həyata keçirəcək.