Türkiyənin iqtisad naziri: Türkiyə ABŞ-ın anti-İran sanksiyalarına qoşulmayacaq
Türkiyənin iqtisad naziri bildirib: Ankara Vaşinqtonun anti-İran sanksiyalarına qoşulmayacaq.
Anadolu İnformasiya Agentliyinin məlumatına görə, Nihad Zeybəkçi çərşənbə günü Ankarada keçirdiyi mətbuat konfransında əlavə edib: ABŞ-ın İran neftinin satın alınmasını durdurmaq üzrə sanksiya və müraciətləri zəruri deyil, Türkiyə dost İran İslam Respublikasının ədalətsiz qərarlarla üzləşməməsinə çalışır.
Türkiyənin iqtisad naziri deyib: Ankara İranın sanksiyaları haqda sadəcə BMT-nin qərarlarına tabedir.
ABŞ İranla iqtisadi münasibətləri olan ölkələrdən istəyib ki, noyabr ayınadək bu ölkədən neftin satın alınmasını durdursun və bu sahədə heç bir istisna yoxdur.
ABŞ prezidenti Donald Tramp 8 may 2018-ci il tarixində İran əleyhinə əsassız ittihamları təkrarlayaraq Vaşinqtonun nüvə sazişindən çıxdığını, nüvə sanksiyalarının 3-6 ay ərzində qüvvəsinə qayıdacağını elan etdi.
ABŞ İrana təzyiq göstərmək üçün İslam Respublikasının xam neft satışını sıfıra endirməyə cəhd edir.
