Türkiyə prezidenti İranı ölkəsinin strateji şəriki adlandırdı.

İRNA-nın verdiyi məlumata görə, Türkiyə prezidenti Rəcəb Təyyib Ərdoğan "Briks" qrupunun sammitiində iştirak etmək üçün Cənubi Afrikaya səfər etməzdən öncə deyib: İran Türkiyənin strateji şərikidir və Ankaranın Tehran ilə əlaqələrini kəsməsi istəyi bizim müstəqilliklə bağlı anlayışımıza ziddir.

Ərdoğan Türkiyənin enerjiə olan ehtiyacını İran hesabına təmin etdiyini deyərək, əlavə edib: Türkiyə Tehrana qarşı sanksiyalarla bağlı yanlış addımın atılmayacağına ümidvardır.

Türkiyənin xarici işlər naziri Mövlud Çavuşoğlu da çərşənbə axşamı Bakıda azərbaycanlı həmkarı Elmar Məmmədyarov ilə birgə mətbuat konfransında ölkəsinin ABŞ-ın İrana qarşı sanksiyaları ilə müxalif olduğunu vurğulayaraq, deyib: Ankara İrana qarşı sanksiyaların tətbiq edilməsində ABŞ-ın qərarlarına tabe olmağa borclu deyil.

Ötən həftə Amerikadan bir heyət Türkiyəyə səfər edərək, Ankaradan ABŞ-ın İrana qarşı sanksiyalarına qoşulmasını istəmişdi. Amma, Türkiyə rəsmiləri bu istəyi rədd edərək, ABŞ başçılarının bu qərarını yanlış adlandırıblar.