Türkiyənin İstanbul şəhərində Səudiyyə Ərəbistanının konsulluq binası qarşısında oturaq aksiya keçirənlər müxalif jurnalist Camal Xaşeqcinin azad edilməsini istəyiblər.

Ali-Səur rejimini tənqid edən səudiyyəli jurnalist Camal Xaşeqci Səudiyyə Ərəbistanının İstanbuldakı konsulluğuna daxil olandan sonra yoxa çıxıb. 

Əl-Minar telekanalı bildirib ki, aksiya Türkiyədə ərəb mediya fəalları evi tərəfindən təşkil olunub. Aksiyaçılar Camal Xaşeqcinin həyatının təhlükədə olmasına görə nigarandırlar və Səudiyyə rəsmilərinin bu barədəki bəyanatlarının arxayınlıq yaratmadığını bildiriblər.