Türkiyə və Rusiya prezidentləri Soçidə görüşüblər
Rusiya prezidenti Soçi şəhərində Türkiyə prezidenti ilə keçirdiyi görüşdə, ikitərəfli münasibətləri, beynəlxalq və regional məsələləri müzakirə edib.
SəhərAzəri-nin məlumatına əsasən, Rusiya prezidenti Vladimir Putin Soçi şəhərində Türkiyə prezidenti Rəcəb Tayyib Ərdoğanla görüşdə, Liviya və Suriya da daxil olmaqla beynəlxalq arenada Rusiya ilə Türkiyə arasında əməkdaşlığın uğurla davam etdiyini bəyan edərək, Moskva ilə Ankara arasında danışıqların hər zaman problemsiz olmadığını, amma nəticənin müsbət olduğunu söyləyib.
Ərdoğan da görüşdə, Putinlə beynəlxalq məsələlər barədə fikir mübadiləsi aparmaqla yanaşı, tikintisi Rusiyanın işbirliyi ilə davam edən "Akkuyu" Atom Elektrik Stansiyasının birinci bölməsinin 2022-ci ildə açılışının mümkünlüyünü qeyd edib.
