SAHAR

Qətərin müdafiə naziri Xalid bin Muhəmməd Ələtiyyə Ankarada Türkiyə prezidenti Rəcəb Tayyıp Ərdoğanla görüşüb.

Bu görüş elə bir halda keçirilibdir ki, dörd mühüm ərəb ölkəsi Qətərlə əlaqəsini kəsib və bu ölkəni mühasirə və sanksiyalara məruz qoyubdur. Onlar Qətərlə əlaqələrin yenidən bərqərarı üçün on üç tələb irəli sürüblər. Bu tələblərdən biri, Türkiyənin Qətərdəki hərbi bazasının bağlanmasıdır. Amma Türkiyə buna israr etməkdə davam edir ki, Qətərdəki bazasını qoruyub saxlasın. Bu ölkələr Qətəri terrorizmə dəstək verməkdə suçlayırlar. Ərdoğan bu dörd ölkənin Qətərdən Türkiyənin bu ölkə ərazisindəki hərbi iştirakına son qoymasını istəməsini rədd edib və onu hörmətsizlik adlandırıb. O, vurğulayıbdır ki, Qətər həmkarlıq və öz müdafiə müqavilələri üçün başqalarından icazə almır. Türkiyə vurğulayır ki, bu ölkə qüvvələrinin Qətərdə yerləşdirilməsi regionun təhlükəsizliyini gücləndimək məqsədini güdür və heç bir xas ölkəyə qarşı yönəlməyibdir.