Türkiyə baş nazirinin hazırkı müavini və sabiq ədliyyə naziri Bəkir Bozdağ Türkiyə hökumətinin yeni sözçüsü seçilib.

İRNA-nın məlumatına görə, bundan öncə baş nazir müavini və dövlət sözçüsü Nüman Kurtulmuş idi. Nazirlər Kabinetinə edilən dəyişikliklər zamanı öz yerini Bəkir Bozdağa verən Nüman Kurtulmuş mədəniyyət və turizm naziri seçilib.

Ötən çərşənbə günü Türkiyənin baş naziri Binəli Yıldırım Nazirlər Kabinetində dəyişikliklər həyata keçirdi. Bu dəyişikliklər zamanı 6 nəfər öz vəzifəsindən kənarlaşdırılmış və 5  yeni isim Nazirlər Kabinetinə daxil edilmişdi. Bir sıra nazir və dövlət rəsmiləri arasında isə yerdəyişmələr aparılmışdır.