Türkiyə xalqı ABŞ prezidenti Donald Trampın Qüdsü sionist rejimin paytaxtı olaraq tanımasına etiraz olaraq onlarla şəhərdə geniş aksiyalar təşkil edib.

Narazı kütlə həmçinin, Bosfor boğazının yaxınlığında ABŞ-ın diplomatik korpusunun kənarında piket keçirib. Piket iştirakçıları əllərində Türkiyə və Fələstin bayraqlarını dalğalandıraraq, ABŞ əleyhinə şüarlar veriblər.

Aksiya iştirakçılarının əllərində həmçinin üzərinə "İsrailə ölüm" və "Qüds ərəblərə və İslama məxsusdur" şüarları yazılmış plakatlar olub.

Qəzəblənmiş kütlə ABŞ və İsrail rejiminə qarşı şüarlar verərək, İsrailin bayrağını yandırıblar.

Aksiya iştirakçıları amerikalıları qatil adlandırıb və onların Yaxın Şərqi tərk etmələrini istəyiblər.