Ankara Cümhuriyyət Prokurorluğu Kobani olayları ilə əlaqədar 82 nəfər barəsində həbs qərarı çıxartdı.

Səhər Azəri bildirir ki, Ankara Cümhuriyyət Prokurorluğu 2014-cü il Kobani hadisələri ilə bağlı 82 nəfər haqqında həbs qərarı çıxardıb.

2014-cü ildə İŞİD terrorçularının Kobaniyə hücumu zamanı Türkiyədə kürdlər tərəfindən törədilən iğtişaşlarda 37 nəfər həyatını itirmişdi.

Ankara Cümhuriyyət Prokurorluğunun bu qərarının ardınca 7 vilayətdə təhlükəsizlik qüvvələri tərəfindən eyni zamanda əməliyyatlar keçirilib. Saxlanılanlar arasında Demokratik Xalq Partiyasının bəzi üzvləri də daxil olmaqla bir neçə keçmiş deputat və bələdiyyə rəisi də var.