2020-ci ildə Türkiyə ixracatında rekord qeydə alınıb
Türkiyənin ticarət naziri 2020-ci ili rekordla başa vurduqlarını bildirib.
SəhərAzəri xəbər verir, Ruhsar pekcan deyib: “2020-ci ilin dekabr ayında Türkiyə ixracatı 2019-cu ilin eyni dövrü ilə müqayisədə 16 faiz artaraq, 17 milyard 844 milyona çatıbdır. Bu Türkiyə tarixində ən yüksək aylıq göstərici sayılır.
O, əlavə edib: “2020-ci ildə Türkiyədən 169,5 milyard dollarlıq ixracat reallaşıbdır ki, bu da Türkiyə və ixracatçılar üçün bir uğurdur".
Türkiyənin ticarət naziri sözlərinin davamında deyib: “Keçən ilin son üç ayında da üç aylıq ixracat rekordu yeniləndi".
Ruhsar Pekcanın sözlərinə görə, keçən il Türkiyənin idxalatı da 4,3 faiz artaraq, 219,4 milyard dollara çatıbdır. 2020-ci ildə Türkiyənin qızıldan başqa digər idxalatının dəyəri 194,2 milyard dollar olubdur.
