Bəzi xilasedicilər Türkiyəni tərk edirlər
Cinayətkar dəstələr problem yaradıb
Bir sıra ölkələrdən olan xilasedicilər təbii fəlakət zonasında cinayətkar qrupların fəallaşması səbəbindən Türkiyədə işləməkdən imtina edirlər.
Zəlzələ bölgəsində atışma səsləri eşidilib, cinayətkar dəstələrin fəallığının artdığı barədə məlumatlar var.
Bu təhlükələri nəzərə alan Avstriya və Almaniya xilasediciləri axtarış işlərini dayandırıblar, çünki onların dediyinə görə burada işləmək həyat üçün təhlükəlidir.
Avstriya heyətinin nümayəndəsi bu barədə deyib ki, Türkiyədə cinayətkar dəstələr qarşıdurma içindədir, davamlı olaraq atəş açılır. Burada xilasetmə işlərinin aparılması böyük riskdir.
İsrailli xilasedicilərin də eyni səbəbdən Türkiyəni tərk etdiyi də məlum olub.
Bu arada Qərb nəşrləri Türkiyə prezidentinin xarabalıqlar üzərində kampaniya apardığını qeyd edirlər.
Ekspertlər isə hesab edirlər ki, Türkiyənin daxili siyasi təlatümləri hələ qabaqdadır.
