Ermənistan hökuməti Türkiyə ilə sərhəddə keçid məntəqəsinin tikintisinə hazırlaşır.

SəhərAzəri-nin məlumatına görə, bununla əlaqədar Ermənistanın Dövlət Gəlirləri Komitəsi Türkiyə ilə sərhəddə Marqara gömrük-keçid məntəqəsinin tikintisi məqsədilə müqavilə imzalayıb.

Ermənistan KİV-nin məlumatına görə, müqavilənin dəyəri təxminən 118 min manat təşkil edir.

Bildirilir ki, tikintinin ümumi dəyəri zəruri avadanlıqlarla birlikdə 3 milyon manat təşkil edəcək.

Türkiyə ilə Ermənistan arasında diplomatik əlaqələr qurulmayıb, iki ölkə arasında sərhəd 1993-cü ildən bağlıdır. Lakin sərhədin bu ilin yayına kimi üçüncü ölkə vətəndaşları, eləcə də diplomatik pasportu olan şəxslər üçün açılması planlaşdırılır.