İnqilab Rəhbəri: Sürətlə inkişaf etməkdə olan ölkələr ilə elmi əməkdaşlıq bir zərurətdir
İslam İnqilabının Böyük Rəhbəri sürətlə inkişaf etməkdə olan ölkələr ilə elmi əməkdaşlıqları bir zərurət adlandırıblar.
İslam İnqilabının Böyük Rəhbəri Həzrət Ayətullahülüzma Xamenei çərşənbə günü istedadlı iranlı gənclər ilə görüşdə ölkədə on minlərlə istedadlı gəncin olmasının İranla bağlı ümidverici və real təsvir yaratdığını deyiblər.
Həzrət Ayətullahülüzma Xamenei gələcək üçün dəqiq proqramların hazırlanması, İranda elmin daha artıq inkişaf etdirilməsi və elmin sərhədlərinin önə çəkilməsində gənc istedadların təsirli roluna işarə edərək, "istedadlı gənclər və quruluş arasında qarşılıqlı, ikitərəfli və ciddi anlaşmanı, gənc istedadların qorunmasını, istedadlı gənclərin potensialından düzgün istifadəni, milli və ideoloji mahiyyətin gənc istedadlar hesabına möhkəmləndirilməsini" zəruri adlandırıb.
İslam İnqilabının Böyük Rəhbəri əlavə ediblər: İranın vəziyyəti ilə bağlı yanlış, mənfi və ümidsiz simanın təqdim edilməsi bu gün düşmənlərin iş gündəmində duran ən önəmli məsələlərdəndir. Amma, ölkənin durumu ilə bağlı həqəqətin əks etdirilməsi hegemonçuluq quruluşunun istəyinin tam əks nöqtəsidir.
Həzrət Ayətullahülüzma Xamenei istedadlı gənclərin ölkənin elmi inkişafındakı roluna işarə dərək, deyib: Əgər elmi baxımdan inkişaf etsək, sivilizasiya, siyasət və iqtisadiyyat düşmənlərinin təhdidləri davamlı olmayacaq və azalacaq.
İnqilab Rəhbəri keçmişdə İranın elmi baxımdan geridə qaldığını deyərək, əlavə edib: İran əhalisi dünya əhalisinin bir fazini təşkil etdiyi halda, Pəhləvi dövründə İranda elmin istehsalı 0.1% olub. Amma, indi İranın dünyada elmin istehsalındakı payı təqribən 2%-dir. Əlbəttə, bununla da kifayətlənməməliyik.
Həzrət Ayətullah Xamenei əlavə ediblər: İranın keçmiş dövrdə elmi, əxlaqi və siyasi baxımdan geridə qalmsının səbəbi ləyaqətsiz, maddiyata alüdə olmuş, asılı və bacarıqsız ölkə başçılarının olması olub. Onlar xalq qarşısında təkəbbürlü idilər və xalqın xeyrini düşünmürdülər.
