SAHAR

İran İslam Şurası Məclisi sədrinin beynəlxalq məsələlər üzrə müşaviri Avropa parlamenti heyətinin Tehrana səfər etdiyini bildirib.

İran İslam Şurası Məclisi sədrinin beynəlxalq məsələlər üzrə müşaviri Hüseyn Şeyxülislam İRNA ilə müsahibədə əlavə edib: 8 nəfərlik Avropa Parlamentinin heyəti bu parlamentin xarici siyasət komissiyasının rəhbəri Elmar Brukun başçılığı ilə ötən gecə Tehrana daxil olub.
Avropa Parlament heyətinin Tehrana səfərinin 2 günlük olduğunu və bu səfərin İran İslam Şurası Məclisinin Milli Təhlükəsizlik və Xarici Siyasət Komissiyasının sədri Əlaəddin Brucerdinin dəvəti ilə baş tutduğunu bildirən Şeyxülislam deyib: Avropa Parlamenti heyətinin üzvləri bu gün İran İslam Şurası Məclisinin sədri Əli Laricani ilə görüşərək danışıqlar aparacaqlar.
İran parlamenti sədrinin müşaviri İslam Şurası Məclisinin Milli Təhlükəsizlik və Xarici Siyasət Komissiyasının sədri və İran XİN-in bir qrup rəsmisi ilə görüşü Avropa Parlamenti heyətinin Tehran səfərinin digər proqramlarından adlandırıb.