SAHAR

İranın hər bir yerində möminlərin iştirakı ilə fəzilətli Qədr gecələrinin ilk gecəsinin əhya mərasimi keçirilib.

Səhər Beynəlxalq Televiziyasının məlumatına görə, mübarək Ramazan ayının 19-cu gecəsində imamət və vilayət aşiqləri məscidlərdə, təkyələrdə, hüseyniyyələrdə, müqəddəs məkanlarda bir araya gələrək, səhərə qədər Quran qiraət edib, "əl-Qous, əl-Qous" fəryadı edib, "Cövşən Kəbir" duasını və ilahi adları zümzümə ediblər.
Əhli-Beyt (ə) məddahları da Həzrət Əlinin (ə) qəmində növhələr və mərsiyyələr oxuyublar.
Bu mənəvi mərasim səhərə qədər Quran başa tutulmaqla və bu səmavi kitab və Allahın rəsulu Həzrət Məhəmməd Mustafa (s.ə.s) şəfaətçi sayılmaqla ikiqat fəzilətli olub və möminlər gecəni oyaq qalaraq və sədaqətlə göz yaşı axıdaraq Allah-taaladan bəşəriyyətin xilaskarı Həzrət Mehdinin (əc) zühurunu tezləşdirməyi, günahların bağışlanmasını, islam ölkələrindən düşmənlərin təhlükəsini dəf etməsini, islamın izzəti və islam diyarının başıucalığını diləyiblər.