SAHAR

İran İslam Respublikası Ali Milli Təhlükəsizlik Şurasının sözçüsü Vyana nüvə müzakirələrinin yekunu üzrə mətnin növbəti və fövqəladə iclaslarda araşdırılacağını deyib.

Səhər Beynəlxalq Televiziyasının məlumatına görə, İranın Ali Milli Təhlükəsizlik Şurasının sözçüsü Keyvan Xosrəvi deyib: Müştərək Təşəbbüs Proqramı mətninin araşdırılması həyata keçirilməkdədir. Bu prosesin mətinlik və həmrəyliklə davam etməsi lazımdır.
Xosrəvi İranın nüvə məsələsinin ötən 10 ildə Milli Təhlükəsizliyin əsas məsələsi olduğunu bildirərək əlavə edib: Ali Milli Təhlükəsizlik Şurasında Müştərək Təşəbbüs Proqramı mətninin araşdırılması prosesində irəliləyiş olduqca lazımi informasiya çatdırılacaq.