SAHAR

İran İslam Respublikası Xarici İşlər Nazirliyinin sözçüsü uşaq qatili və qeyri-qanuni sionist rejimin əl-Əqsa məscidinin zaman və məkan bölgüsü ilə bağlı hərəkətini beynəlxalq hüquqa zidd adlandırıb.

Səhər Beynəlxalq Televiziyasının məlumatına görə, Mərziyyə Əfxəm sionist rejimin son günlərdəki hücumları və müsəlmanların müqəddəslərinə açıq-aşkar təcavüzünü pisləyərək bütün ölkələr, xüsusilə də islam ölkələri, beynəlxalq dairələr, o cümlədən İslam Əməkdaşlıq Təşkilatı və BMT-dən işğalçı sionist rejimin bu qeyri-qanuni hərəkətinə dərhal reaksiya vermələrini istəyib.


İran XİN sözçüsü bildirib: İran İslam Respublikası İslam Əməkdaşlıq Təşkilatına üzv digər ölkələrlə birlikdə bu təşkilatın növbədənkənar iclasını keçirməklə var-gücü ilə son təcavüzlər barəsində araşdırma aparmağa və lazımi tədbirlərin araşdırılmasına hazırdır.