SAHAR

İran xarici işlər naziri və Ərəb Liqasının baş katibi iki tərəfi maraqlandıran məsələlər barədə danışıblar.

İran Xarici İşlər Nazirliyinin Media Diplomatiyası Baş İdarəsinin məlumatına görə, İran xarici işlər naziri Məhəmməd Cavad Zərif və Ərəb Liqasının baş katibi Nəbil Ələrəbi cümə günü Nyu-Yorkda BMT Baş Assambleyasının 70-ci sessiyası kənarında İranın ərəb ölkələri ilə xüsusən nüvə razılaşmasından sonrakı şəraitdə əlaqələri ətrafında fikir mübadiləsi aparıblar.
Bu məlumata görə, İran xarici işlər naziri və Ərəb Liqasının baş katibinin görüşündə Yaxın Şərq böhranları, xüsusən Suriya və Yəmən böhranlarının həlli üçün region ölkələri arasında həmkarlıq prioriteti vurğulanıb.