İran və Əlcəzairin Müştərək İqtisadi iclası paytaxt Əlcəzairdə işə başlayıb.

Səhər Beynəlxalq Televiziyasının məlumatına görə, Müştərək İqtisadi iclasa başçılıq edən İran İslam Respublikasının vitse-prezidenti İshaq Cahangiri və Əlcəzairin baş naziri Əbdülmalik Səllal ikitərəfli iqtisadi əməkdaşlıqların genişləndirilməsi barədə fikir mübadiləsi aparıblar.

İranın yüksək səviyyəli heyətinin Əlcəzair heyəti ilə iclasından sonra Müştərək Əməkdaşlıqlar Ali Komissiyasının 2-ci iclasında iqtisadi, siyasi, mədəni və təhsil sahələrində 8 əməmkdaşlıq sənədi iki ölkə rəsmiləri tərəfindən imzalanıb.

İran İslam Respublikasının vitse-prezidenti Əlcəzair rəsmiləri ilə görüşmək və İran-Əlcəzair İqtisadi Əməkdaşlıqlar Müştərək Komissiyasının 2-ci iclasında iştirak etmək üçün çərşənbə günü yüksək səviyyəli heyətin müşayiəti ilə Əlcəzairə səfər edib.