Avstriya İran prezidentinin Vyanaya olacaq səfərinin təxirə düşməsindən təəssüfləndiyini bildirib
-
Avstriya İran prezidentinin Vyanaya olacaq səfərinin təxirə düşməsindən təəssüfləndiyini bildirib
Avstriya prezidenti iranlı həmkarının ölkəsinə olacaq səfərinin təxirə düşməsindən təəssüfləndiyini bildirib.
İRİB-nin verdiyi məlumata görə, Avstriya prezidenti Hayns Fişer İran İslam Respublikası prezidenti Həsən Ruhaninin Vyanaya olacaq səfərinin təxirə düşməsindən təəssüfləndiyini bildirib və deyib: Hər bir ölkənin öz rəsmilərinin təhlükəsizliyi ilə bağlı qərar qəbul etməsi dərk ediləndir.
H.Fişer əlavə edib: Bu səfərin təxirə salınması Tehran-Vyana əlaqələrinin keyfiyyətinə mənfi təsir buraxmayacaq və iki ölkənin siyasi, iqtisadi, mədəni və elmi əməkdaşlıqları yüksək səviyyədə davam etdiriləcək.
Bundan öncə İran prezidentinin mart ayının 30-u və 31-də Vyanaya səfər edəcəyi bildirilmişdi.
Prezident Administrasiyasından verilən məlumata görə, cənab Həsən Ruhaninin Vyanaya olacaq səfəri təhlükəsizlik məsələlərinə və daha artıq ahəngdarlığın yaradılmasına görə, daha uyğun zamana kimi təxirə salınıb.
