SAHAR

İranın yeniyetmələrdən ibarət futbol komandası Asiya Çempionatında Vyetnam yığmasını 5:0 hesabı ilə məğlub edərək, yarışın yarımfinal mərhələsinə yüksəlib. Bununla da İran futbolunun yeniyetmələri dünya çempionatı 2017-də iştiraka vəsiqə əldə ediblər.

İRNA-nın verdiyi məlumata görə, İran və Vyetnamın yeniyetmələrdən ibarət yığma komandaları bazar günü Hindistanda keçirilən Asiya Çempionatının dörddə bir final mərhələsində qarşılaşıblar. Oyun, iranlı futbolçuların üstünlüyü ilə başa çatıb. Rəqib komandanı 5:0 hesabı ilə məğlub edən İran yığması Dünya Çempionatı 2017-də iştiraka vəsiqə əldə edib. 

İranın yeniyetmələrdən ibarət yığma komandası 29 sentyabrda, yarım final mərhələsində Oman və Şimali Koreya yığmaları arasında baş tutacaq oyunun qalibi ilə üzləşəcək.