SAHAR

Küveytin neft nazirinin müavini İranın neft ixrac edən ölkələr təşkilatının(OPEK) Doha iclasındakı fəal rolu və mövqelərini alqışlayıb.

Küveytdə çıxan Ərrəy qəzetinin yazdığına görə, Küveytin neft nazirinin müavini Təlal Əl-Əzbi OPEK-in cümə axşamı keçirilən Doha iclasından razı qaldığını bildirib və deyib: Bu iclasda İran İslam Respublikasının rolu və mövqeləri konstruktiv idi. 

Küveytin neft nazirinin müavini deyib: Doha iclasında iranlı heyət dünya bazarlarındakı durumu düzgün qiymətləndirərək digər üzvlərlə əməkdaşlığa hazır olduğunu bildirdi. 

Təlal Əl-Əzbi Doha iclasının OPEK-in 30 noyabr Viyana iclasına müsbət təsir göstərəcəyinə ümidvarlığını bildirib. 

OPEK üzvləri sentyabrın 28-də Əlcəzayirdə neft bazarında təklifin miqdarını  məhdudlaşdırmaq, sanksiyalara görə istehsal səviyyələri aşağı olan İran, Liviya və Nigeriyanı bu qərardan istisna etməklə razılaşdılar. 

Bu razılaşmanın təfərrüatı OPEK-in nazirlər iclasının 30 noyabr Vyana iclasında yekunlaşacaq. 

İranın neft naziri Bijən Namdar Zəngənə cümə axşamı bildirib ki, OPEK-in neft və enerji nazirlərinin 30 noyabr iclasında razılığın əldə edilməsi ehtimalı çoxdur.