İranın Seçki Qərargahının katibi adların qeydiyyata alınmasının ilk günündə 130 nəfərin prezident seçkilərində iştirak üçün öz namizədliyini irəli sürməsindən xəbər verib.

Əli Purəli Mütləq namizədliyini irəli sürən 130 nəfərdən 6-nın qadın olduğunu bildirib. 

İranda 12-ci prezident seçkilərində iştirak etmək istəyənlərin adlarının qeydiyyata alınmasına çərşənbə axşamı günü səhər daxili işlər nazirinin göstərişi ilə start verilib. Namizədlərin adlarının qeydiyyata alınması çərşənbə axşamına kimi davam edəcək.

İranda 12-ci prezident seçkiləri şəhər və kənd islam şuralarına 5-ci çağırış seçkiləri ilə bir vaxtda 19 may 2017-ci il tarixində keçiriləcək.