12-ci İran prezidentliyinə namizəd Məhəmməd Baqir Qalibaf bir bəyanatda bütün tərəfdarlarından prezidentliyə digər namizəd İbrahim Rəisi Sadatın uğur qazanması üçün bütün dəstək və potensialdan istifadə etmələrini istəyib.

Məhəmməd Baqir Qalibaf bazar ertəsi günü bir bəyanatda bildirib: İnqilab cəbhəsində birlik məqsədilə əsaslı və önəmli qərar vermək lazımdır. Buna görə bu böyük amalın qorunması üçün bütün İranda öz ictimai tərəfdarlarımdan istəyirəm ki, İbrahim Rəisi Sadatın uğur qazanması və xalqa xidmət istiqamətində İş və Kəramət hökumətinin iqtidara gəlməsi üçün bütün dəstək və potensialdan istifadə etsinlər. 

İran prezidentliyinə başqa bir namizəd Mustafa Haşimitəba da bazar ertəsi günü bir bəyanatda prezidentliyə digər namizəd Həsən Ruhaniyə dəstəyini elan edib: Hazırkı hökumətin quruculuq hərəkətinin davam etməsi çərçivəsində öz səsimi Həsən Ruhaniyə verirəm. 

12-ci İran prezident seçkiləri gələn cümə günü keçiriləcək.