SAHAR

İran İslam Respublikası ordusunun baş komandan əvəzi deyib: İran İslam İnqilabı Keşikçiləri Korpusu Sepah-ın Suriyada İŞİD terror qruplaşmasının mövqelərinə oaln son raket hücumu terrorçular habelə, İrana qarşı təhdid və təcavüzlə bağlı xam xəyallara qapılanlara möhkəm və güclü cavab sayılır.

General Əhməd Rza Purdəstan şənbə günü Təsnim xəbər agentliyi ilə müsahibədə Sepah-ın son hərəkətini İranın hərbi qüdrətinin çox kiçik bir hissəsi adlandırıb və deyib: İran İslam İnqilabı Keşikçiləri Korpusu Sepah-ın raket hücumu irticaçı rejim başçılarının gerçəklikləri əks etdirməyən iddialarına möhkəm və qətiyyətli cavab sayılır. 

İran İslam Respublikası ordusunun baş komandan əvəzi əlavə edib: İranın silahlı qüvvələri istənilən təhdidi qətiyyətli şəkildə və lazım olduğu anda cavablandıracaq. 

General Purdəstan həmçinin, İran İslam Respublikası ordusunun İrana qarşı ehtimal olunan istənilən təhdid ilə qarşılaşmağa hazır olduğunu bildirib və deyib: Ordu İranın digər silahlı qüvvələri ilə paralel şəkildə ölkənin bir çox sahəsində xüsusi ilə qərb sərhədlərində tam hazırlığa malikdir və istənilən növ diversiya hərəkətini və ya düşmənlərin İran sərhədlərinə qarşı ehtimal olunan hərəkətlərini qətiyyətli formada cavablandırmağa hazırdır. 

İran İslam İnqilabı Keşikçiləri Korpusu Sepah 18 iyun tarixində Suriyanın Deyrəzzur vilayətində İŞİD terrorçularının komandanlıq mərkəzini, tədarükat anbarını və avtomobillərə partlayıcı qurğular quraşdırmaqla məşğul olan emalatxanasını 6 ədəd yer-yer tipli orta mənzilli ballistik raket ilə hədəfə alaraq, darmadağın etdi.