Zəncan 12 ölkəyə kənd təsərrüfatı məhsulları ixrac edir
-
Zəncan 12 ölkəyə kənd təsərrüfatı məhsulları ixrac edir
Zəncan ostanının kənd təsərrüfatı cihadı təşkilatının bazar məsələləri üzrə müdiri deyib: İlin ilk rübündə Zəncan ostanından 12 ölkəyə kənd təsərrüfatı məhsulları ixrac edilib.
Abdullah Cəfəri bu gün İRNA-ya verdiyi müsahibədə deyib: Son üç ayda Zəncan ostanında istehsal olunmuş 7400 ton kənd təsərrüfatı məhsulu Rusiya, Azərbaycan, Belçika, Polşa, Almaniya, Macarıstan, Türkiyə, Hollandiya, Küveyt, Bəhreyn, İraq və Əfqanıstana ixrac edilmişdir.
Cəfəri ostanın kənd təsərrüfatı məhsullarının xarici ölkələrə ixracat dəyərinin 6 milyon 300 min dollar təşkil etdiyini deyib.
Zəncan ostanı münasib iqlimə malik olduğuna görə, keyfiyyətli və sağlam kənd təsərrüfatı məhsullarının yetişdirilməsi üçün əlverişlidir.
2016-cı ildə bu ostanda 50 min ton kənd təsərrüfatı məhsulu müxtəlif ölkələrə ixrac edilmişdir.
